นเหตุปจฺจโย

[164] ปริตฺตํ นเหตุํ ธมฺมํ ปฏิจฺจ ปริตฺโต นเหตุ ธมฺโม อุปฺปชฺชติ นเหตุปจฺจยาฯ (1) (สํขิตฺตํฯ)

นเหตุยา เอกํ, นอารมฺมเณ ปญฺจ, นอธิปติยา ทส…เป.… โนวิคเต ปญฺจ (สํขิตฺตํ)ฯ

เหตุปจฺจยา นอารมฺมเณ ปญฺจ (สํขิตฺตํ)ฯ

นเหตุปจฺจยา อารมฺมเณ เอกํ (สํขิตฺตํ)ฯ

(สหชาตวารมฺปิ…เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

7. ปญฺหาวาโร

ปจฺจยจตุกฺกํ

[165] ปริตฺโต นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ ปริตฺโต นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

มหคฺคโต นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ มหคฺคโต นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (2)

อปฺปมาโณ นเหตุ ธมฺโม อปฺปมาณสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาโณ นเหตุ ธมฺโม ปริตฺตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ อปฺปมาโณ นเหตุ ธมฺโม มหคฺคตสฺส นเหตุสฺส ธมฺมสฺส อารมฺมณปจฺจเยน ปจฺจโยฯ (3)

ปริตฺโต นเหตุ ธมฺโม ปริตฺตสฺส นเหตุสฺส ธมฺมสฺส อธิปติปจฺจเยน ปจฺจโย (สํขิตฺตํ)ฯ

[166] อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, สหชาเต เอกาทส, อญฺญมญฺเญ สตฺต, นิสฺสเย เตรส, อุปนิสฺสเย นว…เป.… อวิคเต เตรส (สํขิตฺตํ)ฯ

นเหตุยา ปนฺนรส, นอารมฺมเณ ปนฺนรส (สํขิตฺตํ)ฯ

อารมฺมณปจฺจยา นเหตุยา สตฺต (สํขิตฺตํ)ฯ

นเหตุปจฺจยา อารมฺมเณ สตฺต (สํขิตฺตํ)ฯ

(ยถา กุสลตฺติเก ปญฺหาวารํ, เอวํ วิตฺถาเรตพฺพํฯ)

13-1. ปริตฺตารมฺมณตฺติก-เหตุทุกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[167] ปริตฺตารมฺมณํ เหตุํ ธมฺมํ ปฏิจฺจ ปริตฺตารมฺมโณ เหตุ ธมฺโม อุปฺปชฺชติ เหตุปจฺจยาฯ (1)

มหคฺคตารมฺมณํ เหตุํ ธมฺมํ ปฏิจฺจ มหคฺคตารมฺมโณ เหตุ ธมฺโม อุปฺปชฺชติ เหตุปจฺจยาฯ (1)

อปฺปมาณารมฺมณํ เหตุํ ธมฺมํ ปฏิจฺจ อปฺปมาณารมฺมโณ เหตุ ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ตีณิ, อารมฺมเณ ตีณิ…เป.… วิคเต ตีณิ, อวิคเต ตีณิ (สํขิตฺตํ)ฯ

นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ตีณิ (สํขิตฺตํ)ฯ

(สหชาตวารมฺปิ …เป.… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํฯ)

เหตุ-อารมฺมณปจฺจยา

[168] ปริตฺตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)

มหคฺคตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)

อปฺปมาณารมฺมโณ เหตุ ธมฺโม อปฺปมาณารมฺมณสฺส เหตุสฺส ธมฺมสฺส เหตุปจฺจเยน ปจฺจโยฯ (1)